जय जोहार…. (Chhattisgarh Government) छत्तीसगढ़ म 18 ले 44 बच्छर के बीच के मनखे मन के टीकाकरण ल स्थगित कर दे गे हे। बता देन कि 1 मई ले 18 प्लस के मनखे मन के वैक्सीनेशन करे जावत रिहिन।
सरकार ह प्रेस विज्ञप्ति जारी कर कहिन कि हमन 18 ले 44 बच्छर के बीच के मनखे मन के वैक्सीनेशन ल हाईकोर्ट के आदेश के परिपालन म निरस्त करे जावत हे। बता देन कि राज्य सरकार अंत्योदय कार्डधारक मन के पहिले टीकाकरण के आदेश जारी करे रिहिन। (Chhattisgarh Government) 18 बच्छर ले उपर अंत्योदय कार्डधारक मन के वैक्सीनेशन ल लेके हाईकोर्ट म याचिका दायर होये रिहिन, जेमा सुनवाई करत हुये कोर्ट ह सबो श्रेणी के मनखे मन के अनुपात के निर्धारण राज्य सरकार के तरफ ले करे जाय के आदेश दे गिस।
(Chhattisgarh Government) बता देन कि वैक्सीन के कीमत अउ स्टाक ल लेके मुख्यमंत्री भूपेश बघेल ह प्रधानमंत्री नरेंद्र मोदी ल पत्र लिख चुके हे। छत्तीसगढ़ सरकार के तरफ ले 75 लाख वैक्सीन के मांग करे गे रिहिन, लेकिन 30 अप्रैल तक वैक्सीन के एक डोज घलो रायपुर नई पहुंचीस। 1 मई के 1.5 लाख वैक्सीन के डोज पहुंचे रिहिस। जेखर बाद शासन ह अंत्योदय कार्ड धारक मन ल प्राथमिकता दीस। अब हाईकोर्ट के आदेश के बार आखिरकार सरकार ह 18 ले 44 बच्छर के बीच के मनखे मन के टीकाकरण ल स्थगित कर दे हे।
No Comment! Be the first one.