UP: कोरोना संक्रमण ले भाजपा विधायक के हो गे मौत, अस्पताल म चलत रिहिस इलाज

जय जोहार…. (UP) कोरोना ले जुड़े बड़का खबर सामने आवत हे। उत्तरप्रदेश के रायबरेली म सलोन ले भाजपा विधायक दल बहादुर कोरी के कोरोना संक्रमण ले मौत हो गे हे। ओखर निधन के खबर ले क्षेत्र म शोक के लहर हे।

बतावत जात हे कि (UP) विधायक दल बहादुर कोरी ह कोरोना ले संक्रमित रिहिन। लखनउ के अपोलो अस्पताल म एक सप्ताह पहले ओ मन ल इलाज बर भर्ती कराए गे रिहिन। जिहां आज बिहनिया वो हा अंतिम सांस ले हे।

बता देन कि (UP) दल बहादुर कोरी ह पहली घांव 1996 म सलोन विधानसभा ले विधायक बने रिहिन अउ राजनाथ सिंह के मुख्यमंत्री काल म राज्यमंत्री रिहिन। बच्छर 2004 म ओ हा कांग्रेस म सामिल हो गे रिहिन, लेकिन 2014 म फेर भाजपा म वाससी करे रिहिन। एखर बाद 2017 म भाजपा के टिकट म फेर विधानसभा चुनाव म जीत हासिल करे रिहिन।