Weather: रायपुर म मौसम ह लेइस हे करवट, मंगलवार बिहनिया जमके बरसीस बादर, पढ़व

जय जोहार…. (Weather) छत्तीसगढ़ म मौसम ह फेर करवट ले हे। मंगलवार बिहनिया प्रदेश के कई जगह म तेज हवा के संग झमाझम बारिश होय हे। आज बिहनिया आसमान म काले बाद छाय के बाद दिन म रात जइसे दिखे ल लगत रिहिन। एखर बाद जमकर बरसात होइस हे।

(Weather) बरसात के संग तेज हवा के सेती कई जगह म कुदरत के कहर नजर आवत हे। कहीं पेड़ गिरे के त कहीं कुछु कच्चा मकान ल नुकसान होय हे। उहचे बेमौसम बरसात के सेती शहरी इलाका म कई स्थान म जलभराव के सेती मनखे मन ल परेसानी के सामना करे ल पड़त हे।

बता देन कि (Weather) पिछले 2-3 दिन ले राजधानी के मौसम ह अचानक बदल गे हे। रविवार शाम के राजधानी म झमाझम बारिश होय रिहिन, जेखर सेती कई घर के बिजली ह कई घंटा बर गुल रिहिस। उहचे मंगलवार के बिहनिया 5 बजे बारिश होइस अउ बिजली गुल घलो रिहिस।