Corona: देश म बीते 24 घंटा म सामने आय हे कोरोना के 3.29 लाख ले जादा नवा मामला, पढ़व

जय जोहार…. देश म बीते 24 घंटा म कोरोना (Corona) के 3.29 लाख ले जादा नवा मामला सामने आय हे। उहचे 3 लाख 55 हजार ले अधिक मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 3877 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) 3 लाख 29 हजार 379 मरीज मिले हे। एला मिला के देश म कोरोना संक्रमण के मामला ह बाढ़ के 2 करोड़ 29 लाख 91 हजार927 हो गे हे। जेमा ले 37 लाख 13 हजार ले जादा एक्टिव मामला हे।

उहचे 1 करोड़ 90 लाख 21 हजार 207 मरीज मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 50 हजार 025 मरीज मन के जान चले गे हे।