जय जोहार…. (Korba District) कोरबा जिला ह अब अनलॉक हो गे हे। कोरोना संक्रमण दर म कमी ला देखत हुये कलेक्टर किरण कौशल ह नवा आदेश जारी करे हे, ये फइसला ला जिला म कोरोना पॉजिटिव दर कम होय के सेती ले गे हे।
(Korba District) सबो मैरिज हॉल, स्वीमिंग पूल, सिनेमा हॉल / थियेटर ह बंद रही। (korba) स्कूल अउ कॉलेज विदयार्थी मन बर बंद रही। छात्रावास म सिरिफ परीक्षा देवइया विदयार्थी मन ल आवास के अनुमति होही। शासन ले अनुमति प्राप्त सबो परीक्षा ल छोड़ के कोचिंग क्लास अउ दूसर सभी शैक्षणिक गतिविधि बंद रही।
जारी आदेश के अनुसार सबो प्रकार के स्थायी अउ अस्थायी दुकान, शॉपिंग मॉल, ठेला, गुमटी, सुपर मार्केट / सुपर बाजार, फल अउ सब्जी मंडी / बाजार, अनाज मंडी, शो रूम, मदिरा दुकान, सैलून, ब्यूटी पार्लर, स्पा, पार्क अउ जिम (रविवार ला छोड़ के ) संझा 6 बजे तक खुले रही। (Korba District) जिला म सबो प्रकार के सभा, जुलूस,धरना, प्रदर्शन, राजनितिक अउ धार्मिक आयोजन आदि पूरा प्रतिबंधित रही।
