Chhattisgarh: सीएम भूपेश बघेल ह करिन भिलाई, दुर्ग अउ चरौदा म 114.42 करोड़ के कार्य के वर्चुअल भूमिपूजन अउ लोकार्पण

जय जोहार…. (Chhattisgarh) सीएम भूपेश बघेल ह आज अपन निवास कार्यालय म आयोजित कार्यक्रम म दुर्ग जिला के नगर निगम भिलाई, दुर्ग अउ भिलाई-चरौदा म 114.42 करोड़ रुपया के लगत ने अलग अलग कार्य के वर्चुअल भूमिपूजन अउ लोकार्पण करिन।

(Chhattisgarh) सीएम बघेल ह भिलाई – चरौदा निगम म ट्रांसपोर्ट नगर के भूमिपूजन करे हे, एखर निर्माण ल 56 करोड़ 21 लाख रुपया के लगत ले करे जाही। एखर बने ले ट्रांसपोर्टर मन ल रहत मिलही। एखर संगेसंग सीएम बघेल ह भिलाई – चरौदा निगम म गौरवपथ के कार्य के भूमिपूजन करिन। एखर लगत 16.19 करोड़ रुपया हे।

सीएम ह नगर निगम भिलाई म 18.64 करोड़ रुपया के कार्य के भूमिपूजन अउ 2 करोड़ रुपया के कार्य के लोकार्पण घलो करिन। सीएम ह नगर निगम दुर्ग के अंतर्गत 14 वा वित्त आयोग मद ले 19.38 करोड़ रुपया के लगत ले कार्य के भूमिपूजन करे हे।

वीडियो कांफ्रेंसिंग के माध्यम ले गृहमंत्री ताम्रध्वज साहू कार्यक्रम म शामिल होइस हे । (Chhattisgarh) वनमंत्री अउ दुर्ग जिले के प्रभारी मंत्री मोहम्मद अकबर, लोक स्वास्थ्य यांत्रिकी मंत्री रुद्र कुमार, नगरीय प्रशासन मंत्री डॉ. शिव कुमार डहरिया, मुख्यमंत्री के सलाहकार विनोद वर्मा, मुख्यमंत्री के अपर मुख्य सचिव सुब्रत साहू मुख्यमंत्री निवास म उपस्थित रिहिन।