Corona: देश म बीते 24 घंटा म सामने आय हे 1.27 लाख ले जादा नवा मामला, पढ़व

जय जोहार…. देश म बीते 24 घंटा म कोरोना (Corona) के 1.27 लाख ले जादा नवा मरीज सामने आय हे। उहचे 2 लाख 55 हजार ले जादा मरीज मन ल बने होय के बाद अस्पताल ले छुट्टी दे दे गे हे। जबकि उपचार के दौरान 2795 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 1 लाख 27 हजार नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 81 लाख 75 हजार 044 हो गे हे। जेमा ले 18 लाख 95 हजार 520 एक्टिव मामला हे।

उहचे 2 करोड़ 59 लाख 47 हजार 629 मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 3 लाख 31 हजार 895 संक्रमित के जान चले गे हे।