chhattisgarh : सीएम भूपेश बघेल ह काली धमतरी जिला म 269 विकास कार्य के करही वर्चुअल भूमिपूजन अउ लोकार्पण

जय जोहार….(chhattisgarh) सीएम भूपेश बघेल ह काली 11 जून के धमतरी वासी मन ल 269 विकास कार्य के सौगात देही। धमतरी के मेनोनाईट इंग्लिश मिडियम स्कूल म मंझनिया 1 बजे ले आयोजित होवइया वर्चुअल लोकार्पण अउ भूमिपूजन कार्यक्रम म सीएम बघेल ह वीडियो कान्फ्रेसिंग ले 115 करोड़ रुपया के लागत के 145 विकास कार्य के लोकार्पण करही।

उहचे 155 करोड़ रुपया के लगत के 124 विकास कार्य के भूमिपूजन घलो करही। (chhattisgarh) कार्यक्रम के अध्यक्षता वाणिज्य अउ उद्योग अउ जिला के प्रभारी मंत्री कवासी लखमा करही।

ए वर्चुअल कार्यक्रम म (chhattisgarh) लोक स्वास्थ्य अउ परिवार कल्याण मंत्री टीएस सिंहदेव, गृहमंत्री ताम्रध्वज साहू, कृषि मंत्री रविन्द्र चौबे, आवास मंत्री मोहम्मद अकबर, श्रम मंत्री डॉं. शिव डहरिया, लोकसभा महासमुन्द सांसद चुन्नीलाल साहू, कांकेर लोकसभा सांसद मोहन मंडावी, सिहावा विधायक डॉं. लक्ष्मी ध्रुव, कुरूद विधायक अजय चंद्राकर, धमतरी विधायक रंजना साहू, जिला पंचायत अध्यक्ष कांति सोनवानी, महापौर नगर पालिक निगम धमतरी विजय देवांगन अउ जिला पंचायत उपाध्यक्ष नीशु चंद्राकर मौजूद रही।