corona : देश म बीते 24 घंटा म मिले हे कोरोना के 70 हजार नवा मामला, 3921 मरीज के हो गे मौत

जय जोहार…. देश म बीते 24 घंटा म कोरोना (corona) के 70 हजार ले जादा नवा मरीज सामने आय हे। उहचे 1 लाख 19 हजार 501 मरीज मन ल बने होय के बाद अस्पताल ले छुट्टी दे दे गे हे। जबकि उपचार के दौरान 3921 मरीज मन के मौत हो गे हे।

केंद्रीय स्वास्थ्य मंत्रालय ले जारी आकड़ा के अनुसार देश म पिछले 24 घंटा म कोरोना ((corona)) के 70421 नवा संक्रमित मिले हे। एला मिला के देश म कोरोना संक्रमण के मामला ह 2 करोड़ 95 लाख 10 हजार 410 हो गे हे। जेमा ले 9 लाख 73 हजार 158 एक्टिव मामला हे।

उहचे 2 करोड़ 81 लाख 62 हजार 947 मरीज मन ह कोरोना ((corona)) ल मात दे दे हे, जेखर बाद ओमन न अस्पताल ले डिस्चार्ज कर दे गे हे। ए वायरस ले देश म अब तक 3 लाख 74 हजार 305 मरीज के जान चले गे हे।