chhattisgarh : रेडियो म हमर ग्रामसभा के आज होही प्रसारण, पंचायत मंत्री टीएस सिंहदेव ह देही श्रोता मन के पूछे गे सवाल के जवाब

जय जोहार…. (chhattisgarh ) पंचायत-ग्रामीण विकास विभाग, ठाकुर प्यारेलाल राज्य पंचायत अउ ग्रामीण विकास संस्थान, निमोरा डहार ले तैयार रेडियो कारीकरम  हमर ग्रामसभा के आज रविवार के प्रसारण करे जाही। ए कारीकरम  ल हरेक रविवार के संझा 7.30 बजे ले 8 बजे तक आकाशवाणी रईपुर ले प्रसारित करे जात हे।

रविवार के ए बिसेस कारीकरम म (chhattisgarh ) पंचायत अउ स्वास्थ्य मंत्री टीएस सिंहदेव ह व्हाट्सएप ले श्रोता मन के पूछे गे प्रश्न के उत्तर देही।  पंचायत अउ स्वास्थ्य मंत्री सिंहदेव ह राज्य सासन के नीति, योजना अउ कारीकरम  के बारे म श्रोता मन के जिज्ञासा के समाधान घलो करही। 

(chhattisgarh ) ए कारीकरम ल मीडियम वेब 981 किलो हर्ट्ज म सुने जा सकत हे। प्रदेस म आकासवाणी के सबो केन्द्र ह एक संग ए कारीकरम ल प्रसारित करही ।