chhattisgarh वर्चुअल योग मैराथन के काली होही आयोजन, प्रदेस म 10 लाख ले उपर मनखे मन ह करही योग

जय जोहार…. (chhattisgarh) योग करबो-स्वस्थ्य रहिबो के संग प्रदेस के 10 लाख ले जादा मनखे मन ह योग दिवस सोमवार के बिहनिया 6.45 बजे योगाभ्यास म सामिल होही। प्रदेस के सीएम भुपेश बघेल, मंत्री, विधायक, जनप्रतिनिधि अउ अधिकारी, कर्मचारी घलो योग म सामिल होही । सातवां अन्तर्राष्ट्रीय योग दिवस के अवसर म समाज कल्याण विभाग अउ योग आयोग डहार ले वर्चुअल योग मैराथन के आयोजन करे गे हे।

ए आयोजन न 21 जून के बिहनिया 6.45 बजे ले 22 जून के बिहनिया 7 बजे तक सरलगहा 24 घंटा समाज कल्याण विभाग अउ (chhattisgarh) छत्तीसगढ़ योग आयोग के सोसल मीडिया यू-ट्यूब चैनल, फेसबुक पेज अउ ट्विटर एकाउंट म प्रसारित करे जाही। योग अभ्यास क्रम (प्रोटोकॉल) के मुताबिक 21 जून के बिहनिया 7 ले 8 बजे तक योगाभ्यास कराए जाही।

जेमा छत्तीसगढ़ (chhattisgarh) के राज्यपाल सुश्री अनुसुईया उइके, मुख्यमंत्री भूपेश बघेल, मंत्री, विधायक, जनप्रतिनिधि के संग अलग अलग विभाग के अधिकारी अउ कर्मचारी समेत 10 लाख मनखे मन ह अलग अलग स्थान म कोविङ-19 के संक्रमण के रोकथाम बर जारी दिसा-निर्देस के पालन करत हुये कारीकरम म वर्चुअली सम्मिलित होके योगाभ्यास करही।