chhattisgarh म काली ले कोविन पोर्टल ले होही सबो मनखे मन के कोविड-19 टीकाकरण बर पंजीयन
जय जोहार….(chhattisgarh) प्रदेस म 18 बछर के उमर ले उपर सबो मनखे मन के कोविड-19 टीकाकरण ह कोविन पोर्टल ले होही। काबर कि भारत सरकार डहार ले सबो वर्ग बर कोविड-19 टीका मुफत दे जात हे। एखर बर स्वास्थ्य विभाग ह भारत सरकार ले प्राप्त गाईडलाइन के मुताबिक तैयारी कर लीन हे।
प्रदेस म अब सबो वर्ग के अलग अलग टीकाकरण केंद्र नई होही। 18 बछर ले उपर उमर के सबो मनखे मन ह अपन सुविधा के अनुसार कोविन पोर्टल ले पंजीयन करा सकत हे या टीकाकरण केन्द्र म जाके घलो पंजीयन करा सकत हे।
स्वास्थ्य विभाग डहार ले निर्देस जारी करे गे हे कि 21 जून ले भारत सरकार डहार ले मुफत टीका दे जात हे, एखर सेती प्रदेस म अलग ले टीकाकरण पोर्टल ल संचालित करे के आवश्यकता नई रही। (chhattisgarh) सबो उमर के वर्ग के टीकाकरण ह कोविन पोर्टल ले ही होही। जेन मनखे मन करा इंटरनेट अउ मोबाइल के सुविधा नई हे, ओ मन न ऑन साइट पंजीयन या चाइस सेंटर ले पंजीयन कराए के सुविधा दे के निर्देश कलेक्टर ल दे गे हे।
(chhattisgarh) विभाग ह स्पस्ट करे हे कि जेन मनखे मन ह सीजी टीका ले वैक्सीन के पहला डोज लीन हे, ओ मन ल दुसरइया डोज लगाए के बेरा पहला डोज के सर्टिफिकेट या वैक्सीनेशन के तारीख बताए न होही अउ पहचान पत्र दिखाए म ओ मन ल तय बेरा म दुसरइया डोज लग जाही।
