जय जोहार…. (corona) छत्तीसगढ़ म आज कोरोना के 305 नवा मरीज सामने आय हे। उहें 467 मरीज ह कोरोना न मात दे दे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 5 मरीज के जान चले गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 19, राजनांदगांव ले 6, बालोद ले 5, बेमेतरा ले 2, रायपुर ले 13, धमतरी ले 15, बलौदाबाजार ले 3, महासमुंद ले 3, गरियाबंद ले 1, बिलासपुर ले 10, रायगढ़ ले 19, कोरबा ले 15, जांजगीर-चांपा ले 34, मुंगेली ले 2, सरगुजा ले 6, कोरिया ले 6, सूरजपुर ले 4, बलरामपुर ले 2, जशपुर ले 4, बस्तर ले 26, कोंडागांव ले 8, दंतेवाड़ा ले 12, सुकमा ले 29, कांकेर ले 15, नारायणपुर ले 6, बीजापुर ले 39 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 9 लाख 95 हजार 195 हो गे हे, जेमा ले 5 हजार 620 एक्टिव मामला हे। उहें 9 लाख 76 हजार 125 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13450 मरीज के मउत हो गे हे।
