Raipur : काली ले सुरु होवइया हे 9 दिन के हाथकरघा अउ हस्तसिल्प प्रदर्सनी, मंत्री गुरू रूद्रकुमार ह करही सुभारंभ
जय जोहार…. (Raipur) राष्ट्रीय हाथकरघा दिवस म छत्तीसगढ़ हाट परिसर पण्डरी रईपुर म काली 7 अगस्त ले 9 दिन के प्रदर्सनी आयोजित होवइया हे। ए प्रदर्सनी के सुभारंभ ल ग्रामोद्योग मंत्री गुरू रूद्रकुमार ह काली मंझनिया 3 बजे करही। ए प्रदर्सनी ह 15 अगस्त तक बिहनिया 11 बजे ले रात 9 बजे तक आम मनखे मन बर खुले रही।
(Raipur) ए प्रदर्सनी के सुभारंभ अवसर म संसदीय सचिव अंबिका सिंहदेव, छत्तीसगढ़ राज्य गृह निर्माण मंडल के अध्यक्ष कुलदीप जुनेजा, छत्तीसगढ़ खादी अउ ग्रामोद्योग बोर्ड के अध्यक्ष राजेन्द्र तिवारी, छत्तीसगढ़ हस्तसिल्प विकास बोर्ड के अध्यक्ष चंदन कश्यप, छत्तीसगढ़ राज्य हाथकरघा विकास अउ विपणन संघ के अध्यक्ष मोतीलाल देवांगन समेत छत्तीसगढ़ माटीकला बोर्ड के अध्यक्ष बालम चक्रधारी विशिष्ट अतिथि के रूप म उपस्थित रही।
संचालक ग्रामोद्योग सुधाकर खलखो बताइन कि (Raipur) राष्ट्रीय हाथकरघा दिवस के अवसर म 9 दिन के हाथकरघा अउ हस्तसिल्प प्रदर्सनी के आयोजन करे जात हे। ए प्रदर्सनी म राज्य के 18 बुनकर समिति, 20 हस्तसिल्प कारीगर, खादी अउ ग्रामोद्योग- माटीकला सिल्पकार मन के 5-5 अउ रेशम वस्त्र, धागाकरण के दू स्टॉल समेत कुल 50 स्टॉल लगाए जाही।
