chhattisgarh : सीएम भूपेश बघेल ह करीन साहित्यकार सतीश जायसवाल ल वसुंधरा सम्मान ले सम्मानित

जय जोहार…. (chhattisgarh ) सीएम भूपेश बघेल ह किहीन कि छत्तीसगढ़ ल समृद्ध बनाय बर गांव ल समृद्ध बनाना होही। ग्रामीण, किसान अउ मजदूर मन के स्थिति ल बेहतर बनाय के संग लोककला अउ संस्कृति ल संरक्षित करना होही। वो हा किहीन कि हमर मन के सरकार ह ग्रामीण व्यवस्था ल मजबूत करत हे। गांधीवादी अउ ग्रामीण व्यवस्था के ससक्त प्रतिनिधि स्वर्गीय देवी प्रसाद के प्रति इही सच्ची श्रद्धांजलि हे।

मुख्यमंत्री बघेल ह आज इहां अपन निवास कार्यालय म लोक जागरण पत्रिका डहार ले स्वर्गीय देवी प्रसाद चौबे के स्मृति म आयोजित 21वां वसुंधरा सम्मान समारोह ल सम्बोधित करत रिहीन। (chhattisgarh ) समारोह के आयोजन ल संस्कृति विभाग अउ श्री चतुर्भुज मेमोरियल फाउंडेशन के सहयोग ले करे गीस। ए अवसर म सीएम बघेल ह साहित्यकार अउ पत्रकार सतीश जायसवाल ल प्रसस्ति पत्र, शाल अउ श्रीफल भेंट कर के 21 वां वसुंधरा सम्मान ले सम्मानित करीन। वो हा समारोह म लोकजागरण के मासिक पत्रिका ‘वसुंधरा’ के 58 वां अउ कला, साहित्य, संस्कृति के मासिक पत्रिका ‘बहुमत’ के 109वां अंक के लोकार्पण करीन।

सीएम बघेल ह किहीन कि गांवों म रोजगार, सिक्षा अउ स्वास्थ्य की बेहतर सुविधा बर छत्तीसगढ़ (chhattisgarh ) सरकार परयासरत हे। वो हा किहीन कि राजीव गांधी किसान न्याय योजना ले मनखे मन के खेती-किसानी अउ गांव के प्रति रूझान ह बाढ़े हे। दू-ढाई बछर म किसान मन के संख्या 15 लाख ले बाढ़के 22 लाख अउ खेती के रकबा 22 लाख हेक्टेयर ले बाढ़के 27 लाख हेक्टेयर हो गेहे।