Raipur : 24 अगस्त ले होही शिशु संरक्षण माह के सुभारंभ, हरेक मंगलवार अउ शुक्रवार के चलही विशेष अभियान

जय जोहार…. (Raipur) शिशु संरक्षण माह के सुभारंभ ल अवइया 24 अगस्त ले करे जाही। एखर तहत 24 अगस्त ले हरेक मंगलवार अउ शुक्रवार के सहरी अउ ग्रामीण क्षेत्र म बिहनिया 9 बजे ले संझा 4 बजे के बीच विशेष अभियान ल चलाए जाही।

ए अभियान के तहत 6 माह ले 5 बछर तक के उमर के सबो लइका मन ल आई.एफ.ए. सिरफ के खुराक 1 एमएल सप्ताह म दू घांव दे जाना हे। 9 माह ले 5 बछर तक के उमर के सबो लईका मन न विटामिन-ए सिरफ के खुराक दे जाना हे। (Raipur) जेमा ले 9 माह ले 1 बछर तक के लइका मन ल विटामिन-ए के 1 एमएल अउ 1 से 5 बछर तक के लइका मन न विटामिन-ए के 2 एमएल के खुराक दे जाही।

(Raipur) आंगनबाड़ी केन्द्र म हितग्राही मन ल की पात्रता के अनुसार संपूरक पोसण आहार के सेवा अउ पोसण तत्व ल उपलब्ध कराए जाही। अति गंभीर कुपोसित लइका मन ल जेन एस.ए.एम. के श्रेणी म हे, ओमन ल चिन्हित कर के पोसण पुनर्वास केन्द्र म भर्ती करे जाही।