जय जोहार…. (Raipur ) खेल अउ युवा कल्याण संचालनालय रईपुर डहार ले रईपुर म आने-आने खेल अकादमी म खिलाड़ी मन के चयन ट्रायल करे जाहि। ऐखर बर गैर आवासीय हॉकी अकादमी (नवीनीकरण) बालक-बालिका, गैर आवासीय तीरंदाजी अकादमी (नवीनीकरण) बालक-बालिका, गैर आवासीय एथलेटिक्स अकादमी बालक-बालिका अउ गैर आवासीय फुटबॉल अकादमी बालिका म खिलाड़ी मन के चयन बर 24 अउ 25 अगस्त के चयन परीक्षण आयोजित करे जात हे। ए चयन परीक्षण म रईपुर सहर म रहवइया अइसे बालक अउ बालिका जेखर उमर 01 अप्रैल 2021 ले 13 से 17 बछर के मध्य होना आवश्यक हे, ओ हाे ए चयन प्रतियोगिता म भाग ले सकत हे।
ऐसे खिलाड़ी जेन ए उमर सीमा म हो अउ गैर छात्रावासी खेल अकादमी म प्रवेस के इच्छुक हो अपन पंजीयन जिला कार्यालय, खेल अउ युवा कल्याण, खेल भवन, रईपुर (Raipur ) म सम्पर्क कर सकत हे। ए चयन परीक्षण म खिलाडी खेल के प्रति रूचि, अनु सासन, समयबद्धता, खेल कौसल, ओखर सारीरिक दक्ष्ता के संबंध म विभाग के एनआईएस प्रशिक्षकों डहार ले आकलन करे जाहि। संगेसंग उम्दा प्रदर्सन करइया खिलाड़ी मन ल चिन्हित कर चयनित करे जाहि।
अइसन खिलाड़ी जेन गैर छात्रावासी खेल अकादमी म प्रवेस बर अंतिम रूप म चुने जाहि , (Raipur ) ओमन ल अकादमी म प्रवेस के बाद बीमा, चिकित्सा व्यय, खेल सामग्री अउ उपकरण के प्रदाय, प्रतियोगिता के दउरान यात्रा व्यय, स्वल्पाहार भत्ता, एक रूप परिधान, प्रशिक्षण, एडवांश कोचिंग, खेल वृत्ति के सुविधा दे जाहि।
