chhattisgarh : ग्रामीण क्षेत्र म आबादी भुईयां के ड्रोन ले होही सर्वे, सम्पत्ति मालिक ल मिलही अधिकार अभिलेख
जय जोहार…. (chhattisgarh) ग्रामीण क्षेत्र म आबादी भुईयां म निवास करइया सम्पत्ति मालिक के ड्रोन के माध्यम ले सर्वे कर के सम्पत्ति मालिक ल अधिकार अभिलेख प्रदान करे बर स्वामित्व योजना के सुभारंभ करे गेहे। योजना के राज्य म क्रियान्वयन बर छत्तीसगढ़ सासन के राजस्व विभाग ल नोडल विभाग बनाए गेहे।
संगेसंग केन्द्रीय पंचायत राज मंत्रालय, राज्य पंचायती राज विभाग छत्तीसगढ़, सर्वे ऑफ इंडिया, राज्य सूचना केन्द्र अउ ग्राम पंचायते ह सहयोगी के रूप म काम करही। योजना के पायलेट चरण म छत्तीसगढ़ के दुर्ग, कबीरधाम अउ कोरबा जिला ल सामिल करे गेहे।
छत्तीसगढ़ (chhattisgarh) के भू-अभिलेख आयुक्त ह बताइन कि भारत सरकार के पंचायती राज मंत्रालय नई दिल्ली डहार ले ग्रामीण क्षेत्र म आबादी भुईयां म निवास करइया संपत्ति मालिक के ड्रोन के माध्यम ले सर्वे के अधिकार अभिलेख प्रदान करे बर स्वामित्व योजना प्रारंभ करे गेहे।
देस म योजना के पायलेट चरण के सफलता ल देखत हुए दुसरइया चरण के रूप म आन राज्य के संग छत्तीसगढ़ (chhattisgarh) राज्य के घलो चयन जारी गेहे, जेला वित्तीय बछर 2024-25 तक पुरा करे के लक्ष्य रखे गेहे ।
