chhattisgarh : सीएम भूपेश बघेल ह इंदिरा गांधी कृषि विश्वविद्यालय म करीबन 30 करोड़ के विकास काम के करीन लोकार्पण, पढ़व

जय जोहार…. (chhattisgarh) मुख्यमंत्री भूपेश बघेल ह आज इंदिरा गांधी कृषि विश्वविद्यालय के अंतर्गत करीबन 30 करोड़ रुपिया के लागत ले निर्मित भवन अउ दूसर अधोसंरचना के लोकार्पण करीन ।

(chhattisgarh) सीएम बघेल ह इंदिरा गांधी कृषि विश्वविद्यालय परिसर म नवनिर्मित कृषि विज्ञान केन्द्र भवन, अक्ती जैवविविधता संग्रहालय, नवनिर्मित नॉलेज सेंटर भवन, रिकार्डिंग स्टूडियो अउ फाइटोसेनेटरी प्रयोगशाला के लोकार्पण के संग वर्चुअल रूप ले उद्यानिकी महाविद्यालय, जगदलपुर अउ कृषि महाविद्यालय, रायगढ़ के नवनिर्मित महाविद्यालय भवन, बालक छात्रावास अउ कन्या छात्रावास भवनों अउ 16 कृषि महाविद्यालयों म निर्मित ई-क्लासरूम के लोकार्पण घलो करीन।

ए अवसर म सीएम बघेल ह धान, करायत, सोयाबीन, मक्का अउ रसभरी समेत 8 फसल के उन्नत प्रजाति के बीज अउ विश्वविद्यालय डहार ले विकसित करे गे चावल ले प्रोटीन अउ ग्लूकोज ल अलग करे के तकनीक के लोकार्पण करीन।

कारीकरम म कृषि मंत्री रविन्द्र चौबे, छत्तीसगढ़ राज्य कृषक कल्याण परिषद के अध्यक्ष सुरेन्द्र शर्मा, (chhattisgarh ) शाकम्बरी बोर्ड के अध्यक्ष राम कुमार पटेल, मुख्यमंत्री के सलाहकार प्रदीप चौबे, इंदिरा गांधी कृषि विश्वविद्यालय के कुलपति डॉ. एस.के. पाटिल घलो उपस्थित रिहीन। कारीकरम म विधायक प्रकाश नायक, रेखचंद जैन, इंदिरा गांधी कृषि विश्वविद्यालय बोर्ड के सदस्य बोधराम कंवर ह वर्चुअल रूप ले सामिल होइन हे।