corona: प्रदेस म आज सामने आय हे कोरोना के 35 नवा मरीज, रईपुर म घलो 12 पॉजिटिव

जय जोहार… (corona) प्रदेस म आज कोरोना के 35 नवा मरीज सामने आय हे। उहें 17 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 5, राजनांदगांव ले 1, बेमेतरा ले 1, रईपुर ले 12, धमतरी ले 1, महासमुंद ले 1, रायगढ़ ले 1, जशपुर ले 7, दंतेवाड़ा ले 5 अउ आन राज्य ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 494 हो गे हे, जेमा ले 290 एक्टिव मामला हे। उहें 9 लाख 92 हजार 613 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13591 मरीज के जान चले गेहे।