chhattisgarh देस के सबले स्वच्छ राज्य के श्रेणी म पुरस्कृत, राष्ट्रपति के हाथ मुख्यमंत्री भूपेश बघेल ह ग्रहण करीन स्वच्छता अवार्ड
जय जोहार…. (chhattisgarh) छत्तीसगढ़ ल स्वच्छ अमृत महोत्सव कारीकरम म सबले स्वच्छ राज्य श्रेणी म पुरस्कृत करे गेहे। छत्तीसगढ़ के मुख्यमंत्री भूपेश बघेल ह नई दिल्ली के विज्ञान भवन म आयोजित कारीकरम म राष्ट्रपति रामनाथ कोविंद के हाथ अवार्ड ग्रहण करीन।
ए सम्मान समारोह म प्रदेस के सबले जादा 61 नगरीय निकाय ल घलो उत्कृष्ट प्रदर्सन बर आने आने श्रेणी म पुरस्कार दे गेहे। कारीकरम म आवासन अउ सहरी कार्य मंत्री हरदीप सिंह पुरी, राज्य मंत्री कौशल किशोर घलो सामिल रिहीन। ए अवसर म छत्तीसगढ़ के मुख्यमंत्री भूपेश बघेल ह किहीन कि छत्तीसगढ़ ह सरलग तीसरइया बच्छर स्वच्छतम् राज्य के राष्ट्रीय पुरस्कार ल जीते हेत ऐखर श्रेय छत्तीसगढ़ के पौने तीन करोड़ मनखे मन ल जात हे।
नई दिल्ली म पुरस्कार ग्रहण करे ल मुख्यमंत्री के संग सहरी विकास मंत्री शिव कुमार डहरिया, अपर मुख्य सचिव सुब्रत साहू, विभाग के सचिव अलरमेलमंगई डी, आवासीय आयुक्त एम गीता, स्वच्छ भारत मिशन के डायरेक्टर सौमिल रंजन चौबे उपस्थित रिहीन।
