corona : प्रदेस म आज सामने आय हे कोरोना के 106 नवा मामला, रईपुर म घलो 12 पॉजिटिव

जय जोहार… (corona) प्रदेस म आज कोरोना के 106 नवा मरीज सामने आय हे। उहें 36 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 3, राजनांदगांव ले 5, बालोद ले 1, रईपुर ले 12, धमतरी ले 2, बिलासपुर ले 17, रायगढ़ ले 40, कोरबा ले 3, जांजगीर-चांपा ले 13, सूरजपुर ले 4, जशपुर ले 1, बस्तर ले 1, कांकेर ले 1 अउ दूसर राज्य ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 07 हजार 847 हो गे हे, जेमा ले 463 एक्टिव मामला हे। उहें 9 लाख 93 हजार 784 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13600 मरीज के जान चले गेहे।