CG बोर्ड 10वीं अउ 12वीं मुख्य परीक्षा के समय-सारिणी होगे जारी, पढ़व

जय जोहार। (CG) छत्तीसगढ़ माध्यमिक सिक्षा मण्डल डहार ले हाई स्कूल, हायर सेकेण्डरी अउ सारीरिक प्रसिक्षण पत्रोपाधि मुख्य परीक्षा बच्छर 2022 के समय-सारणी जारी कर दे गेहे। हायर सेकेण्डरी सर्टिफिकेट परीक्षा 2 मार्च 2022 से 30 मार्च 2022 तक आयोजित करे जाही।

(CG) परीक्षा के बेरा बिहनिया 9 बजे ले मंझनिया 12.15 बजे तक होही। अइसने हाई स्कूल सर्टिफिकेट परीक्षा 3 मार्च 2022 ले 23 मार्च 2022 तक आयोजित करे जाही। परीक्षा के बेरा बिहनिया 9 बजे ले मंझनिया 12.15 बजे तक होही।

उहें सारीरिक प्रसिक्षण पत्रोपाधि परीक्षा (प्रथम एवं द्वितीय बच्छर) 3 मार्च 2022 ले 11 मार्च 2022 तक आयोजित करे जाही। (CG) परीक्षा के बेरा बिहनिया 9 बजे ले मंझनिया 12.15 बजे तक होही। ए परीक्षा के विस्तृत समय-सारणी छत्तीसगढ़ माध्यमिक सिक्षा मण्डल के वेबसाइट www.cgbse.nic.in म उपलब्ध हे।