chhattisgarh : सीएम भूपेश बघेल ह राजिम माघी पुन्नी मेला के प्रदेस वासी मन ल दीन हे सुभकामना, पढ़व

जय जोहार…. (chhattisgarh) मुख्यमंत्री भूपेश बघेल ह 16 फरवरी ले प्रारंभ होवइया राजिम माघी पुन्नी मेला अउ शिवरीनारायण मेला के प्रदेस वासी मन ल बधाई अउ सुभकामना दीन हे। सीएम श्री बघेल ह किहीन कि राजिम माघी पुन्नी मेला ह छत्तीसगढ़ के आस्था के प्रतीक हे । इहां छत्तीसगढ़ के लोक कला, संस्कृति के दर्सन होत हे । छत्तीसगढ़ के प्रयागराज के रूप म प्रसिद्ध राजिम म महानदी, पैरी अउ सोंढूर नदी के पवित्र त्रिवेणी संगम म सदी ले ए मेला के आयोजन होत हे।

वो हा किहीन कि छत्तीसगढ़ (chhattisgarh) ही नई आसपास के राज्य के मनखे मन ह घलो बड़का संख्या म ए मेला म सामिल होत हे । राज्य सरकार डहार ले छत्तीसगढ़ के गौरवशाली सांस्कृतिक परम्परा ल संरक्षित अउ संवर्धित करे के परयास के तहत राजिम माघी पुन्नी मेला ल ओखर प्राचीन मूल स्वरूप म आयोजित करे जावत हे ।

वो हा किहीन कि राजिम के तरह माघ पूर्णिमा के अवसर म शिवरीनारायण म घलो महानदी, शिवनाथ अउ जोंक नदी के पावन संगम म सुरु होवइया मेला म घलो मनखे मन ह श्रद्धा अउ आस्था के संग सामिल होत हे । (chhattisgarh) वो हा महानदी के तट म सिरपुर म माघी पूर्णिमा के दिन के सुरु होवत सिरपुर महोत्सव के सुभकामना घलो प्रदेस वासी मन ल दीन हे ।