chhattisgarh : मुख्यमंत्री अउ कृषि मंत्री ह गौठान ल पैरादान करइया किसान मन ल दीन हे धन्यवाद

जय जोहार। (chhattisgarh) मुख्यमंत्री भूपेश बघेल अउ कृषि मंत्री रविन्द्र चौबे ह गौठान म पशुधन के चारा के व्यवस्था बर पैरा-दान करइया राज्य के किसान भाई ल धन्यवाद दीन हे। मुख्यमंत्री श्री बघेल ह किहीन कि ओखर अपील के राज्य के किसान भाई मन ह न सिरिफ मान रखीन हे, बल्कि ए बच्छर पराली घलो नई जलाईन हे। मुख्यमंत्री ह किहीन कि राज्य के किसान भाई मन ह अब तक 15 लाख 67 हजार 507 क्विंटल पैरा के दान ल गौठान में पशुधन के चारा के प्रबंध बर करे हे।

उल्लेखनीय हे कि (chhattisgarh) मुख्यमंत्री श्री बघेल अउ कृषि मंत्री श्री चौबे ह राज्य के किसान भाई मन ले गौठान ल पैरादान करे ल अउ खेत म पराली न जलाय के अपील करे रिहीन। वो हा किसान मन के नाव जारी अपील म कहे रिहिन कि पशुधन बर गौठान म सूखे चारा के पर्याप्त प्रबंध हो सके, एखर बर खेत म पैरा ल जलाय के बजाय अपन गांव के गौठान समिति ल पैरा-दान करे। एखर ले गोधन बर चारा के इंतजाम करे म समिति ल आसानी होही ।

(chhattisgarh) रायपुर संभाग के किसान मन डहार ले अब तक गौठान ल तीन लाख 69 हजार 600 क्विंटल, दुर्ग संभाग के किसान मन डहार ले 3 लाख 80 हजार 361, बिलासपुर संभाग के गौठान म 6 लाख 10 हजार 765, सरगुजा संभाग म 74 हजार 787 अउ बस्तर संभाग के किसान मन डहार ले गौठान समिति ल 1 लाख 31 हजार 994 क्विंटल पैरादान करे गेहे ।