corona : देस म 24 घंटा म मिले हे कोरोना के 12 हजार नवा मामला, पढ़व

जय जोहार…. देस म पिछले 24 घंटा म कोरोना (corona ) के 12 हजार ले जादा नवा मरीज सामने आय हे। उहें 26 हजार 968 मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 302 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घंटा म कोरोना (corona ) के 12 हजार 107 नवा मामला मिले हे। एला मिलाके देस म कोरोना मरीज मन के संख्या ह 4 करोड़ 28 लाख 89 हजार 256 हो गेहे। जेमा ले 1 लाख 25 हजार 537 एक्टिव मामला हे।

उहें 4 करोड़ 22 लाख 36 हजार 553 मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 5 लाख 13 हजार 226 मरीज के मउत होगे हे।