जय जोहार। छत्तीसगढ़ सासन ह बालोद जिला (Balod District) के 4 ठीन सिंचाई परियोजना के निर्माण अउ सुधार काम बर 10 करोड़ 06 लाख 09 हजार रुपिया के प्रसासकीय स्वीकृति ल प्रदान करे हे। ए योजना के पूरा होय ले एक हजार पांच सौ उनहत्तर हेक्टेयर क्षेत्र म सिंचाई के सुविधा मिल सकही।
जारी प्रसासकीय स्वीकृति के अनुसार बालोद जिला (Balod District) के विकासखण्ड-डौंडी के तुल्लटोला जलाशय के नहर लाईनिंग अउ पक्के संरचना के निर्माण काम बर दो करोड़ 49 लाख 45 रुपिया के प्रसासकीय स्वीकृति ल प्रदान करे गेहे। ए योजना के पूरा होय ले 395 हेक्टेयर क्षेत्र म सिंचाई के सुविधा मिल सकही। विकासखण्ड-बालोद के बिरेतरा डायवर्सन के मरम्मत अउ नहरों के लाईनिंग काम बर दो करोड़ 84 लाख 28 हजार रुपिया के स्वीकृति दे गेहे। ए योजना के पूरा होय ले 353.63 हेक्टेयर क्षेत्र म सिंचाई के सुविधा मिल सकही।
अइसने बालोद जिला (Balod District) के विकासखण्ड बालोद के गोंदली जलाशय परियोजना अंतर्गत तरौद माईनर म एक्वाडक्ट लाईनिंग अउ स्ट्रक्चर काम बर दो करोड़ 92 लाख 84 हजार रुपिया के स्वीकृति ल प्रदान करे गेहे। ए योजना के पूरा होय ले 821.33 हेक्टेयर क्षेत्र म सिंचाई के सुविधा मिल सकही। विकासखण्ड बालोद की तांदुल परियोजना अंतर्गत तांदुल मुख्य नहर तक फिलिंग रिच म नहर कटाव रोके बर रिटेनिंग वाल के निर्माण काम (ग्राम पिपरछेड़ी) बर एक करोड़ 80 लाख 33 हजार रुपिया के स्वीकृति दे गेहे।
No Comment! Be the first one.