chhattisgarh : मुख्यमंत्री स्लम स्वास्थ्य योजना ले घर के पास मिलत हे मुफत इलाज के सुविधा, पढ़व
जय जोहार। (chhattisgarh ) मुख्यमंत्री भूपेश बघेल डहार ले सहरी क्षेत्र के स्लम इलाका म रहवइया गरीब परिवार बर मुफत उपचार के व्यवस्था ल करे गेहे । वो हा ये योजना ल सुरु कर निम्न आय वर्ग के मनखे मन के सुध लीन हे। ए योजना ले स्लम क्षेत्र म रहवइया मनखे मन के माथा ले चिंता के एक ठीन बड़का लकीर मिट गेहे।
(chhattisgarh ) मुख्यमंत्री सहरी स्लम स्वास्थ्य योजना के माध्यम ले मोबाइल मेडिकल यूनिट जिला के आने -आने वार्ड म पहुंचके मनखे मन के इलाज ल करत हे। ए योजना के तहत स्लम क्षेत्र के निवासी के स्वास्थ्य के जांच, उपचार, दवा वितरण अउ स्वास्थ्य परामर्श सुविधा ल मुफत म दे जात हे ।
यूनिट म ओपीडी, प्रयोगसाला जांच के संग दवा वितरण अउ लैब म 41 ठीन स्वास्थ्य जांच के सुविधा उपलब्ध हे । योजना के तहत डॉक्टर, नर्स अउ दूसर मेडिकल स्टाफ अउ दवाई सहित मोबाईल मेडिकल यूनिट स्लम क्षेत्र म पहुंचत हे ।
