Raipur : मुख्यमंत्री भूपेश बघेल ह काली वृहद किसान सम्मेलन म होही सामिल, पढ़व

जय जोहार। (Raipur) मुख्यमंत्री भूपेश बघेल ह काली 12 मार्च के मंझनिया 3 बजे इंदिरा गांधी कृषि विश्वविद्यालय परिसर म आयोजित चार दिन के फार्मटेक एशिया अंतर्राष्ट्रीय किसान मेला अउ कृषि प्रदर्सनी म एक ठीन वृहद किसान सम्मेलन म सामिल होही।

ए अवसर म (Raipur) सीएम श्री बघेल ह किसान मन ल संबोधित कर ओमन ल राज्य सासन डहार ले किसान के बेहतरी बर चलाय जात योजना, कारीकरम अउ गतिविधि के जानकारी देही। ए किसान सम्मेलन म छत्तीसगढ़ के आने आने जिला ले लगभग 5 हजार किसान सामिल होही। ए इस प्रदर्सनी ले आयोजन ल छत्तीसगढ़ शासन के कृषि -उद्यानिकी विभाग अउ इंदिरा गांधी कृषि विश्वविद्यालय के सहयोग ले करे जात हे।

किसान सम्मेलन म कृषि मंत्री रविन्द्र चौबे, नगरीय प्रसासन मंत्री डॉ. शिवकुमार डहरिया अउ धरसींवा विधायक अनिता योगेन्द्र शर्मा, राज्य कृषक कल्याण परिषद के अध्यक्ष सुरेन्द्र शर्मा घलो सामिल होही। (Raipur) ए अवसर म कृषि उत्पादन आयुक्त डॉ. कमलप्रीत सिंह, सचिव कृषि डॉ. एस. भारतीदासन, इंदिरा गांधी कृषि विश्वविद्यालय के कुलपति डॉ. गिरीश चंदेल, संचालक कृषि यशवंत कुमार, संचालक उद्यानिकी माथेश्वरन व्ही. अउ इंदिरा गांधी कृषि विश्वविद्यालय प्रबंध मण्डल के सदस्य घलो उपस्थित रही।

इंदिरा गांधी कृषि विश्वविद्यालय परिसर म 11 से 14 मार्च तक आयोजित फार्मटेक ऐशिया किसान मेला अउ प्रदर्सनी म सासकीय, सार्वजनिक अउ निजी क्षेत्र के 132 संस्था डहार ले किसानोपयोगी नवा कृषि तकनीक अउ उत्पादों के प्रदर्सन अउ विक्रय करे जात हे। ए प्रदर्सनी म इंदिरा गांधी कृषि विश्वविद्यालय डहार ले विकसित नवा कृषि प्रौद्योगिकी, अनुसंधान तकनीक अउ उत्पाद के प्रदर्सन घलो करे जात हे।