mahasamund : गांव म बनही सामुदायिक भवन, सीसी रोड के घलो सौगात, संसदीय सचिव के परयास ले मिलीन पचास लाख रुपिया के स्वीकृति
जय जोहार। (mahasamund ) विधानसभा क्षेत्र के गांव मन म 35 लाख रुपिया के लागत ले सामुदायिक भवन का निर्माण होही। संगेसंग 9 लाख के लागत ले सीसी रोड अउ छह लाख के लागत ले नाली म पुल निर्माण के सौगात मिले हे। संसदीय सचिव अउ विधायक विनोद सेवनलाल चंद्राकर के परयास ले विकास काम बर लाखो रुपिया के स्वीकृति मिलीन हे।
(mahasamund ) संसदीय सचिव अउ विधायक विनोद सेवनलाल चंद्राकर ह बताइन कि गांव म सामुदायिक भवन अउ सीसी रोड के मांग ल करे जात रिहीन। जेला गंभीरता ले लेत हुये सासन ल ध्यानाकर्षित कराइन हे । एखर बाद विकास काम बर छग राज्य ग्रामीण अउ अन्य पिछड़ा वर्ग क्षेत्र विकास प्राधिकरण मद ले पचास लाख रुपिया के स्वीकृति मिले हे।
जेमा ग्राम मानपुर म पांच लाख के लागत ले सामुदायिक भवन निर्माण, ग्राम चिरको म चार लाख के लागत ले सामुदायिक भवन निर्माण, ग्राम अछरीडीह म चार लाख के लागत ले सामुदायिक भवन निर्माण, ग्राम घोड़ारी म तीन लाख के लागत ले सामुदायिक भवन निर्माण, ग्राम लाफिनखुर्द म दो लाख के लागत ले सामुदायिक भवन निर्माण, ग्राम भलेसर म चार लाख के लागत ले सामुदायिक भवन निर्माण, (mahasamund ) ग्राम बिरकोनी म चार लाख के लागत ले सामुदायिक भवन निर्माण के स्वीकृति सामिल हे ।
ग्राम बोरियाझर म चार लाख के लागत ले सामुदायिक भवन निर्माण, ग्राम बेमचा म पांच लाख के लागत ले सामुदायिक भवन निर्माण, ग्राम कौंदकेरा म छह लाख के लागत ले नाली म पुल निर्माण, ग्राम बिरकोनी म तीन लाख के लागत ले सीसी रोड निर्माण, ग्राम बम्हनी म तीन लाख के लागत ले सीसी रोड निर्माण अउ ग्राम खैरा म तीन लाख के लागत ले सीसी रोड निर्माण के स्वीकृति सामिल हे ।
