chhattisgarh : पहली ले आठवी के 31.44 लाख छात्र मन ल 16 जून ले पहले मिलही गणवेश, पढ़व
जय जोहार। (chhattisgarh) छत्तीसगढ़ के शासकीय स्कूल म कक्षा पहली ले आठवी तक अध्ययन रत 31 लाख 44 हजार विद्यार्थी मन ल शाला प्रवेश उत्सव 16 जून ले पूर्व दो-दो सेट मुफत गणवेश के वितरण करे जाही । अइसने विद्यार्थी मन ल 62 लाख 88 हजार गणवेश सेट बांटे जाही। छत्तीसगढ़ राज्य हाथकरघा विकास अउ विपणन सहकारी संघ डहार ले राज्य के चार जिला बीजापुर, सुकमा, नारायणपुर अउ दंतेवाड़ा म संकुलों तक गणवेश पहुँच गेहे। नवा शिक्षा सत्र म 16 जून के दिन जनप्रतिनिधि मन के उपस्थिति म हरेक विद्यार्थी ल मुफत गणवेश के वितरण करे जाही ।
स्कूल शिक्षा विभाग ले मिले जानकारी के अनुसार (chhattisgarh) राज्य के सबो विद्यार्थी मन ल गणवेश के दो-दो सेट, पंजीकृत मदरसा के विद्यार्थी मन बर एक सेट उपलब्ध कराये जाही । लईका मन ल गणवेश वितरण बर बीजापुर जिला म 76 हजार 496, सुकमा जिला म 83 हजार 674, नारायणपुर जिला म 48 हजार 516 अउ दंतेवाड़ा जिला म 77 हजार 236 गणवेश सेट वितरण बर संकुल तक पहुँच गेहे।
बस्तर जिला म 2 लाख 10 हजार 544, कोरिया जिला म एक लाख 37 हजार 522, शिक्षा जिला सक्ति म एक लाख 51 हजार 564, मुंगेली म 2 लाख 15 हजार 316, रायगढ़ जिला म 2 लाख 93 हजार 824, गौरेला-पेंड्रा-मरवाही जिला म 79 हजार 866, जांजगीर-चांपा जिला म दो लाख एक हजार 96, कोरबा जिला म 2 लाख 97 हजार 940, बालोद जिला म एक लाख 72 हजार 778, गरियाबंद जिला म एक लाख 62 हजार 768 अउ राजनांदगांव जिला म 3 लाख 95 हजार 136मुफत गणवेश सेट लईका मन ल वितरित करे जाही ।
अइसने दुर्ग जिला म 2 लाख 20 हजार 824, कबीरधाम जिला म 2 लाख 46 हजार 758, बेमेतरा जिला म 2 लाख 49 हजार 432, जशपुर जिला म 2 लाख 32 हजार 154, कांकेर जिला म एक लाख 70 हजार 976, कोण्डागांव जिला म एक लाख 65 हजार 888, धमतरी जिला म एक लाख 41 हजार 200, सरगुजा जिला म 2 लाख 27 हजार 908, बलरामपुर जिला म 3 लाख 64 हजार 488, सूरजपुर जिला म 2 लाख 11 हजार 391, रायपुर जिला म 4 लाख 33 हजार 630, बिलासपुर जिला म 3 लाख 99 हजार 80, बलौदाबाजार जिला म 3 लाख 65 हजार 506 अउ महासमुंद जिला म 2 लाख 55 हजार 120 मुफत गणवेश सेट लईका मन ल वितरित करे जाही ।
