corona : देस म पिछले 24 घंटा म बाढ़गे कोरोना के 1451 नवा मरीज, पढ़व

जय जोहार। देस म बीते 24 घंटा म कोरोना (corona ) के 1451 नवा मामला दर्ज करे गेहे। उहें 1624 मरीज ल बने होय के बाद अस्पताल ले डिस्चार्ज कर दे गेहे। जबकि उपचार के दउरान 3 संक्रमित के जान चले गेहे। एखर पहले शनिवार के 2184 नए केस मिले रिहीन। अभी 13,443 मरीज के इलाज चलत हे ।

केंद्रीय स्वास्थ्य मंत्रालय ले मिले जानकारी के मुताबिक देस म अब तक कोरोना (corona ) से संक्रमित मरीज के संख्या ह 4.31 करोड़ ले जादा हो गेहे। उहें 4.25 करोड़ मरीज ह कोरोना ले जंग जीत गेहे। जबकि ए वायरस ले 5 लाख ले जादा मनखे मन के मउत हो गेहे।

जम्मू-कश्मीर म रविवार के कोरोना के 8 नवा मामला दर्ज करे गेहे । (corona ) उहें दिल्ली म 365 अउ महाराष्ट्र म 326 मामला सामने आय हे, इहां अब तक 147,856 मरीज के कोरोना ले मउत हो गेहे । जबकि 1903 मरीज के इलाज चलत हे ।