mahasamund : बेलर म 60 बछर म पक्की रद्दा नई बने ल लेके महिला मन ह जनदर्सन म कलेक्टर ल दीन पत्र
जय जोहार । (mahasamund ) बागबाहरा विकासखंड के ग्राम पंचायत अरंड के ग्राम बेलर म जनप्रतिनिधि मन के उपेक्षा के सेती बीते 60 बछर म पक्की रद्दा के निर्माण नई होय ल लेके महिला मन ह जनदर्सन म कलेक्टर ल पत्र देहे ।
पत्र म उल्लेख करे हे कि (mahasamund ) बागबाहरा विकासखंड के ग्राम पंचायत अरंड के ग्राम बेलर म बीते 60 बछर म पक्की रद्दा के निर्माण नई होय ले ग्रामीण मन ल बड़ अकन समस्या के सामना करे ल पड़त हे । गांव म बीमार ल ले जाय बर सरकारी वाहन 108 अउ 102 नई आ पात हे, जेखर सेती मरीज ल अपन सुविधा ले साइकल, खटिया म उठाके ग्राम मोहंदी के रद्दा तक ले जाना पड़त हे । मरीज ल तत्काल स्वास्थ्य सुविधा नई मिले के सेती ओखर मउत हो जात हे ।
(mahasamund ) रद्दा नई होय के सेती गांव के जादातर लईका कक्षा पांचवीं के बाद आगू के पढ़ाई ल नई कर पात हाई, काबर कि बरसात म खेत के टेड़ेमेढे पार ले होके जाय ल पड़त हे, एखर सेती पालक अपन लईका ल स्कूल नई भेजत हे, जेखर सेती छात्र मन के पढ़ाई अधूरा रह जात हे । गांव म रद्दा बनाय के मांग ल ग्रामीण मन डहार ले कई बछर ले जनप्रतिनिधि ले करत हन, ओखर उपेक्षा के सेती ग्रामीण मन ल रद्दा के सुविधा नई मिल पात हे ।
पत्र ल सौंपे जाय के दउरान सुखबती,तुलसी बाई,फूलबाई, रामबाई, चंद्रिका, सोनबाई,पार्वती, बसंता, कुंती, शकुंतला, चंद्रकला, यशोदा मौजूद रिहीन ।
