जय जोहार । (chhattisgarh) मुख्यमंत्री भूपेश बघेल ह दंतेवाड़ा जिला ले राज्य के किसान मन ल बड़का सौगात दीन हे । सीएम ह प्रधानमंत्री फसल बीमा अउ उद्यानिकी फसल के मौसम आधारित बीमा दावा रासि के वितरण के सुभारंभ करीन । एखर तहत राज्य के 17 जिला के लगभग डेढ़ लाख किसान मन ल 307 करोड़ 19 लाख रुपिया के दावा रासि मिलही ।
ए अवसर म (chhattisgarh) उद्योग मंत्री कवासी लखमा, सांसद दीपक बैज, विधायक देवती कर्मा, विधायक विक्रम मंडावी, मुख्यमंत्री के सचिव सिद्धार्थ कोमल सिंह परदेशी मौजूद रिहीन । वीडियो कॉन्फ्रेंस ले कारीकरम म कृषि अउ जल संसाधन मंत्री रविन्द्र चौबे, कृषि उत्पादन आयुक्त डॉ.कमलप्रीत सिंह, संचालक कृषि यशवंत कुमार, संचालक उद्यानिकी माथेश्वरन वी. सामिल होइन।
बता देन कि मुख्यमंत्री भूपेश बघेल भेंट-मुलाकात अभियान के सिलसिला म बस्तर के दउरा म हे । (chhattisgarh) किसान मन ल फसल बीमा दावा रासि के भुगतान म विलंब नई हो, एखर सेती मुख्यमंत्री ह राजधानी रईपुर ले ए कारीकरम के सुभारंभ करे के बजाय दंतेवाड़ा ले ऑनलाईन सुभारंभ करीन ।
No Comment! Be the first one.