chhattisgarh म 10वीं अउ 12वीं के पूरक परीक्षा के तिथि होगे जारी, 4 जुलाई ले सुरु होही दूनों कक्षा के एग्जाम

जय जोहार । (chhattisgarh) माध्यमिक शिक्षा मंडल ह बोर्ड के पूरक परीक्षा के कारीकरम ल जारी कर देहे । एखर अनुसार 10वीं बोर्ड के पूरक परीक्षा 4 जुलाई ले 12 जुलाई तक चलही । उहें 12वीं के परीक्षा 4 जुलाई ले 16 जुलाई तक होही ।

परीक्षा कारीकरम के मुताबिक दूनों कक्षा के परीक्षा बिहनिया के एक ठीन पाली म होही । एखर बर बिहनिया 9 बजे ले मंझनिया 12.15 बजे तक के बेरा तय करे गेहे । बोर्ड ह ए बछर परीक्षा बर एक विषय बर 200 अउ दो विषय बर 240 रुपिया के सुल्क लेहे । उहें दो ले जादा विषय के पूरक परीक्षा बर 460 रुपिया के सुल्क तय करे गे रिहीन । मुख्य परीक्षा म आय अंक ल बेहतर करे बर हरेक बछर बड़का संख्या म परीक्षार्थी ह पूरक परीक्षा म सामिल होत हे ।