mahasamund : सोरिद के ग्रामीण मन ह करीन संसदीय सचिव ले मुलाकात, सोरिद-कौंदकेरा रद्दा म डामरीकरण के करे हे मांग
जय जोहार । (mahasamund) ग्राम सोरिद के ग्रामीण मन ह संसदीय सचिव अउ विधायक विनोद सेवनलाल चंद्राकर ले मुलाकात कर सोरिद ले कौंदकेरा पहुंच रद्दा म डामरीकरण के मांग करीन। जेमा संसदीय सचिव श्री चंद्राकर ह ओखर मांग के ओर उचित पहल करे के आश्वासन दीन हे ।
जनपद सदस्य आरीन भागीरथी चंद्राकर के नेतृत्व म प्रह्लाद ध्रुव, भोलेनाथ गंधर्व, नरेश ध्रुव, सियाराम विश्वकर्मा सहित दुर्गेश चंद्राकर, प्रीतम यादव, चुन्नीलाल ध्रुव, फगवा राम ध्रुव, सुखदेव नेताम, दुष्यंत चंद्राकर ह मुलाकात के दउरान (mahasamund) संसदीय सचिव श्री चंद्राकर ल बताइन कि सोरिद ले कौंदकेरा रद्दा म डामरीकरण कराय जाय के जरूरत हे । सोरिद ले कौंदकेरा के बीच करीबन अढ़ई किमी की दूरी हे । ए रद्दा ले ग्रामीण मन के हरेक दिन आत -जात रहत हे । लेकिन रद्दा के स्थिति खराब होय के सेती हमेसा दुर्घटना के आसंका बने रहत हे ।
(mahasamund) वो हा बताइन कि बरसा के सीजन म ए रद्दा ले गुजरना ह मुस्किल होत हे । दूसर सीजन म जइसे -तइसे आवाजाही होत हाई । खासकर स्कूली लईका मन ल बरसा के दिन म आवाजाही म असुविधा होत हे । वो हा सोरिद ले कौंदकेरा पहुंच रद्दा के डामरीकरण कराय जाय के मांग करीन । जेमा संसदीय सचिव श्री चंद्राकर ह उचित पहल करे के आश्वासन दीन है ।
