mahasamund : पर्यटन केन्द्र सिरपुर म होइन जिला स्तरीय कार्यक्रम, स्कूली लईका के संग अधिकारी मन करीन योगा
जय जोहार । (mahasamund ) पुरातत्व नगरी अउ पर्यटन स्थल सिरपुर के सुरंग टीला परिसर म आज योग दिवस के जिला स्तरीय कार्यक्रम आयोजित होइन । सैकड़ों स्कूली विद्यार्धी के संग जनप्रतिनिधि अउ जिला प्रसासन के अधिकारी समेत कर्मचारी मन ह योगा करीन । विसिष्ट अतिथि के रूप म जिला पंचायत के उपाध्यक्ष लक्ष्मण पटेल ह हिस्सा लीन ।
ए अवसर म कलेक्टर निलेशकुमार क्षीरसागर ह योग के फायदा ल बताइन । वो हा किहीन कि सरीर ल चुस्त दुरूस्त अउ मन ल सांत रखे बर अब दुनिया भर म काफी मनखे ह योग के सहारा लेवत हे । वो हा किहीन कि योग ह भारत के देन है। दुनियाभर म योग के प्रति जागरूकता फैलाय बर आज के दिन ल अंतर्राष्ट्रीय योग दिवस के रूप म मनाय जात हे ।
पुलिस अधीक्षक विवेक शुक्ला ह किहीन कि योग करे ले सरीर निरोगी त रहत हाई , सरीर म दिनभर ताजगी घलो बने रहत हे । एला आप मन ह दिनचर्या म सामिल करव। । जिला पंचायत उपाध्यक्ष लक्ष्मण पटेल ह घलो लईका मन ल योगा के हितकारी लाभ बताइन । वो हा करबो योग रहिबो निरोग के बात कहीस। कार्यक्रम के अंत म सामिल लईका मन ल प्रसस्ति पत्र दे गेहे।
