जय जोहार। छत्तीसगढ़ (chhattisgarh ) सासन ह प्रदेस के छह ठीन सिंचाई परियोजना बर 15 करोड़ 94 लाख 20 हजार रुपिया स्वीकृत करे हे । सरगुजा जिला के विकासखण्ड-बतौली के सेदम व्यपवर्तन योजना के नहर म पक्का चैनल निर्माण बर दो करोड़ 11 लाख 78 हजार रुपिया स्वीकृत करे गेहे । ए योजना के पूरा होय ले 202 हेक्टयर क्षेत्र म सिंचाई के सुविधा मिल सकही ।
(chhattisgarh )विकासखण्ड बतौली के सलियाडीह जलाशय के नहर म मिट्टी काम, पक्का संरचना अउ पक्का चैनल निर्माण काम बर एक करोड़ 99 लाख 87 हजार रुपिया स्वीकृत करे गेहे । ए योजना के पूरा होय ले 202 हेक्टेयर क्षेत्र म सिंचाई के सुविधा मिल सकही। जशपुर जिला के विकासखण्ड-पत्थलगांव के तमता जलाशय योजना के जीर्णोद्धार काम बर पांच करोड़ 92 लाख 42 हजार रुपिया स्वीकृत करे गेहे। ए योजना के पूरा होय ले 1160 हेक्टेयर क्षेत्र म सिंचाई के सुविधा मिल सकही।विकासखण्ड बगीचा के कोदोधारा जलासय योजना के निर्माण काम बार दो करोड़ 24 लाख 62 हजार रुपिया स्वीकृत होय हे । ए योजना के पूरा होय ले 195 हेक्टेयर खरीफ क्षेत्र म सिंचाई के सुविधा मिल सकही ।
(chhattisgarh ) कोरिया जिला के खड़गंवा विकासखण्ड अंतर्गत उदनापुर जलासय योजना के मुख्य नहर म सी.सी. नाली निर्माण, नहर बेड के सफाई अउ बैंक के ऊंचाई बढ़ाय के काम बर दो करोड़ 61 लाख 32 हजार रुपिया स्वीकृत होय हे । ए योजना के पूरा होय ले 403 हेक्टेयर क्षेत्र म सिंचाई सुविधा मिल सकही । सूरजपुर जिला के विकासखण्ड-भैयाथान के चंदरपुर जलासय के जीर्णोद्धार काम बर एक करोड़ चार लाख 19 हजार रुपिया स्वीकृत करे गेहे । ए योजना के पूरा होय ले 214 हेक्टेयर क्षेत्र म सिंचाई सुविधा मिल सकही।
