chhattisgarh : सिसरिंगा जलासय नहर के रिमाडलिंग अउ लाईनिंग काम बर 2.42 करोड़ रुपिया के मिलीन हे स्वीकृति

जय जोहार । जल संसाधन विभाग मंत्रालय छत्तीसगढ़ (chhattisgarh) सासन डहार ले रायगढ़ जिला के विकासखण्ड-धरमजयगढ़ अंतर्गत सिसरिंग जलासय के शीर्ष अउ नहर के रिमाडलिंग अउ नहर का लाईनिंग काम बर दो करोड़ 42 लाख 49 हजार रुपिया स्वीकृत करे गेहे। मुख्य अभियंता हसदेव कछार जल संसाधन विभाग बिलासपुर ल काम कराय बर प्रसासकीय स्वीकृति प्रदान करे गेहे।

खेदापाली जलासय नहर के रिमाडलिंग अउ लाईनिंग काम बर 2.59 करोड़ स्वीकृत- जल संसाधन विभाग मंत्रालय छत्तीसगढ़ (chhattisgarh) सासन डहार ले रायगढ़ जिला के विकासखण्ड-धरमजयगढ़ अंतर्गत खेदापाली जलासय के शीर्ष अउ नहर के रिमाडलिंग अउ नहर के लाईनिंग काम बर दो करोड़ 59 लाख 13 हजार रुपिया स्वीकृत करे गेहे। मुख्य अभियंता हसदेव कछार जल संसाधन विभाग बिलासपुर ल काम कराय बर प्रसासकीय स्वीकृति प्रदान करे गेहे। ए योजना के पूरा होय ले 146 हेक्टेयर क्षेत्र म अतिरिक्त सिंचाई के सुविधा मिल सकही।

लाडूखाई जलासय के जीर्णोद्धार काम बर 1.07 करोड़ रूपया के स्वीकृति- जल संसाधन विभाग मंत्रालय छत्तीसगढ़ (chhattisgarh) सासन डहार ले रायगढ़ जिला के विकासखण्ड-बरमकेला के लाडूखाई जलासय के जीर्णोद्धार काम बर एक करोड़ सात लाख 26 हजार रूपए स्वीकृत करे गेहे । मुख्य अभियंता हसदेव कछार जल संसाधन विभाग बिलासपुर ल काम कराय ल प्रसासकीय स्वीकृति प्रदान करे गेहे । ए योजना के पूरा होय ले 61 हेक्टेयर क्षेत्र म सिंचाई सुविधा मिल सकही।