corona : प्रदेस म 24 घंटा म मिले हे कोरोना के 213 नवा मामला, 1 संक्रमित के होगे मउत
जय जोहार। (corona ) छत्तीसगढ़ म कोरोना संक्रमित मन के संख्या ह सरलग बाढ़त जात है। प्रदेस म आज कोरोना के 213 नवा मरीज के पहचान होय हे। उहें 242 मरीज ल ठीक होय के बाद अस्पताल ले छुट्टी दे दे गेहे। जबकि इलाज के दउरान 1 मरीज के मउत हो गेहे।
(corona) प्रदेस म जेन कोरोना के नवा मरीज मिले हे, ओमा दुर्ग ले 19, राजनांदगांव ले 13, बालोद ले 9, कबीरधाम ले 1, रईपुर ले 44, धमतरी ले 13, बलौदाबाजार ले 10, महासमुंद ले 1, बिलासपुर ले 13, रायगढ़ ले 9, कोरबा ले 2, जांजगीर- चांपा ले 7, गौरेला-पेंड्रा-मरवाही ले 13, सरगुजा ले 17, कोरिया ले 8, जशपुर ले 2, बस्तर ले 3, कोंडागांव ले 1, दंतेवाड़ा ले 27, बीजापुर ले 1 सामिल हे।
बता देन कि (corona ) प्रदेस म कोरोना संक्रमित मरीज मन के संख्या 11 लाख 69 हजार 143 होगे हे, जेमा ले 3341 एक्टिव मामला हे। उहें 11 लाख 51 हजार 722 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14080 मरीज के मउत हो गेहे।
