Raipur : मुख्यमंत्री ह दीन उड़िया समाज ल नवाखाई तिहार के सुभकामना

जय जोहार । (Raipur) मुख्यमंत्री ह सर्व उड़िया समाज के आग्रह म नवाखाई तिहार म ऐच्छिक अवकास दे के घोसना करे हे । मुख्यमंत्री ह सबो ल नवा खाई तिहार के अग्रिम बधाई अउ सुभकामना दीन हे । उल्लेखनीय हे कि मुख्यमंत्री भूपेश बघेल ले ओखर निवास कार्यालय म सर्व उड़िया समाज के प्रतिनिधिमंडल क सौजन्य मुलाकात कर मुख्यमंत्री ले नवाखाई तिहार म अवकास दे के आग्रह करे रिहीन । छत्तीसगढ़ सरकार डहार ले अवइया एक सितंबर के नवाखाई तिहार म राज्य म ऐच्छिक अवकास दे के आदेस घलो जारी कर दे गेहे ।

(Raipur) प्रतिनिधिमंडल ह मुलाकात के दउरान मुख्यमंत्री ल महासमुंद जिला के गढ़फुलझर स्थित रामचंडी माता मंदिर म रामचंडी दिवस के दिन आयोजित मेला कार्यक्रम म सामिल होय के निमंत्रण दीन । वो हा मुख्यमंत्री ल बताइन कि अवइया अक्टूबर महीना के 8 तारीख के रामचंडी दिवस म मेला कार्यक्रम आयोजित करे जाही ।

(Raipur) सर्व उड़िया समाज के प्रतिनिधिमंडल म कोलता समाज, ब्राह्मण समाज, अघरिया समाज, संवरा समाज, मरार समाज, तेली समाज, रावत समाज, कुंभकार समाज, बिंझवार समाज, केवट समाज, भूलिया समाज के प्रतिनिधि सामिल रिहीन ।