chhattisgarh : राज्य सासन के योजना के जिला म होवत हे प्रभावी क्रियान्वयन – भूपेश बघेल
जय जोहार । (chhattisgarh) मुख्यमंत्री भूपेश बघेल ह अपन प्रदेस व्यापी भेंट मुलाकात कार्यक्रम के तहत आज धरमजयगढ़ म आयोजित प्रेसवार्ता म किहीन कि ए बछर 4 मई ले सुरु भेंट-मुलाकात कार्यक्रम के दउरान आम जनता ले राज्य सासन के कई ठीन योजना विसेस रूप ले राजीव गांधी किसान न्याय योजना, हाफ बिजली बिल योजना, हाट-बाजार क्लिनिक योजना, गोधन न्याय योजना, स्वामी आत्मानंद उत्कृष्ट अंग्रेजी माध्यम स्कूल योजना के संबंध म बड़ अकन अच्छा फीडबैक मिले हे है। मोला ये जानके बड़ अकन अच्छा लगीन कि सासन के सबो योजना के प्रभावी तरीका ले क्रियान्वयन जिला म होवत हे ।
(chhattisgarh) मुख्यमंत्री ह किहीन कि प्रदेस व्यापी भेंट-मुलाकात अभियान के उद्देश्य सासकीय योजना के जमीनी स्तर म क्रियान्वयन के हकीकत ल जाने के हे । संगेसंग मनखे मन के बीच पहुंचके ओखर स्थानीय समस्या ल घलो जाने के परयास हमन करत हन। प्रेसवार्ता म वोहा किहीन कि बरसात के दिन के लंबा अंतराल के बाद भेंट मुलाकात अभियान के सिलसिला एक सितंबर ले रायगढ़ जिला ले दुबारा सुरु होए रिहीन । रायगढ़ विधानसभा क्षेत्र के ग्राम नवापारा, लोईंग अउ रायगढ़ म मनखे मन ले भेंट मुलाकात के बाद अब 12, 13 और 14 सितंबर के एक घांव फेर रायगढ़ जिला के लैलूंगा, खरसिया अउ धरमजयगढ़, विधानसभा क्षेत्र के दउरा करीन ।
प्रेसवार्ता म स्कूल सिक्षा मंत्री अउ जिला के प्रभारी मंत्री डॉ. प्रेमसाय सिंह टेकाम, धरमजयगढ़ विधायक लालजीत सिंह राठिया, सचिव जनसंपर्क अउ लोक निर्माण विभाग सिद्धार्थ कोमल परदेशी, कलेक्टर रानू साहू, पुलिस अधीक्षक अभिषेक मीणा अउ पत्रकार उपस्थित रिहीन ।
