Mahasamund district के “खाकी के रंग स्कूल के संग कार्यक्रम ” गोल्डन बुक आफ वर्ल्ड रिकॉर्ड म सामिल
जय जोहार। महासमुंद जिला (Mahasamund district) पुलिस विभाग डहार ले चलाए जावत सबले बड़का जागरुकता अभियान “खाकी के रंग स्कूल के संग ” के नाव गोल्डन बुक आफ वर्ल्ड रिकॉर्ड म स्वर्ण अक्षर ले दर्ज करे गेहे । गोल्डन बुक ऑफ वर्ल्ड रिकार्ड के एशिया हेड मनीष विष्णोई ह पुलिस अधीक्षक भोजराम पटेल ल सर्टिफिकेट अउ बैच प्रदान करीन ।
ए कैंम्पियन के तहत महासमुंद जिला (Mahasamund district) पुलिस ह स्कूली लईका मन तक पहुंचके साइबर फ्रॉड, सेल्फ अउ मेंडल डिफेंस के बारे म जागरुक करीन । ताकि आगामी हाेवइया फ्रॉड ले स्कूली लईका मन सुरक्षित रहे। ये कार्यक्रम ल जिला के सभी ब्लॉक मुख्यालय समेत गांव-गंवई के स्कूल म चलाये गेहे । 58 दिन तक चले कैम्पियन के समापन स्थानीय शंकराचार्य सांस्कृतिक भवन म होइन । ए दउरान अभियान के वीडियों साॅग घलो लांच करे गेहे। ए कार्यक्रम के मुख्य अतिथि कलेक्टर महासमुंद निलेश क्षीरसागर रिहीन । अध्यक्षता जिला पंचायत अध्यक्ष ऊषा पटेल, कांग्रेस जिलाध्यक्ष डॉ. रश्मि चंद्राकर, नगर पालिका अध्यक्ष राशि त्रिभुवन महिलांग, उपाध्यक्ष जिपं लक्ष्मण पटेल, समाज सेविका सरिता तिवारी उपस्थित रिहीन ।
(Mahasamund district) ये अवार्ड ‘साइबर धोखाधड़ी के खिलाफ सबले बड़का जागरूकता अभियान’ भारत के छत्तीसगढ़ के महासमुंद म खाकी के रंग स्कूल के संग डहार ले हासिल करे गेहे। 20 जुलाई ले 17 सितंबर के दउरान अन्नू भोई, रोशनी डेविड और प्रवीण शुक्ला ह बीस हजार पांच सौ 21 स्कूली लईका मन ल जागरुक करीन । अभियान एसपी भोजराम पटेल अउ एसआई संजय राजपूत के मार्गदर्शन म चलाये गेहे । जेला टाइटल LARGEST AWARENESS CAMPAIGN AGAINST CYBER FRAUD दे गीन।
