जय जोहार । (Raipur) छत्तीसगढ़ के राजधानी रईपुर के साइंस कॉलेज मैदान म 1 ले 03 नवंबर तक राष्ट्रीय आदिवासी नृत्य महोत्सव अउ राज्योत्सव के आयोजन करे जात हे । ए दउरान छत्तीसगढ़ समेत देस -विदेस के विभिन्न जनजाति के समृद्ध संस्कृति, परंपरा अउ लोककला के झलक मनखे मन ल देखे ल मिलही । छत्तीसगढ़ म राष्ट्रीय आदिवासी नृत्य महोत्सव के ये तीसरइया आयोजन हे ।
आयोजन के दउरान छत्तीसगढ़ सरकार के विभिन्न विभाग के लोककल्याणकारी योजना म आधारित विकास प्रदर्सनी के माध्यम ले पिछले पौने चार बछर म छत्तीसगढ़ के विकास गाथा घलो देखे ल मिलही । (Raipur) इंहा कार्यक्रम स्थल के सेंट्रल एरिया म जनजातीय लोककला अउ सिल्प म केन्द्रित सिल्पग्राम बनाये जाही । एखर संग छत्तीसगढ़ी पकवान समेत कई तरह के लजीज व्यंजन ले सजे फूड जोन घलो होही ।
साइंस कॉलेज स्थित आयोजन स्थल म थीम हैंगर म विभिन्न उद्योग अउ सार्वजनिक उपक्रम के स्टॉल लगाए जाही । इंहा व्यावसायिक स्टॉल अउ किताब मेला घलो लगाए जाही अउ स्वास्थ्य सहायता केन्द्र घलो स्थापित करे जाही ।
