Raipur : राज्योत्सव के दउरान श्रम विभाग के सुविधा केंद्र म 550 ले जादा मनखे मन ह करीन आवेदन

जय जोहार। (Raipur) राजधानी राईपुर के साइंस कालेज मैदान म म चलत राज्योत्सव मेला म श्रम विभाग ह ऑनस्पाट सुविधा केंद्र ई श्रमिक पंजीयन लगाये हे । श्रम विभाग के ए स्टॉल म अब तक साढ़े पांच सौ ले जादा मनखे मन ह ऑनस्पाट श्रमेव जयते नामक मोबाइल एप्प के माध्यम ले पंजीयन बर आवेदन करे हे। श्रम विभाग डहार ले श्रमिक मन के सुविधा बर श्रमेव जयते नाव ले मोबाइल एप्प बनाये गेहे, जिसके माध्यम ले बहुत आसानी ले श्रमिक मन के पंजीयन करे जा सकत हे । एक घांव पंजीयन हो जाय के बाद श्रमिक विभाग डहार ले प्रदान करे जवइया सरकारी योजना बर ए एप्प के माध्यम ले आवेदन कर सकत हे ।

(Raipur) संगेसंग दुसरइया योजना जइसे मुख्यमंत्री श्रमिक सियान सहायता योजना, मुख्यमंत्री निर्माण श्रमिक निःशुल्क कार्ड योजना, मिनीमाता महतारी जतन योजना, नौनिहाल छात्रवृत्ति योजना, मेधावी छात्र/छात्रा शिक्षा प्रोत्साहन योजना, निर्माण श्रमिक के लईका बर उत्कृष्ट खेल प्रोत्साहन योजना, मुख्यमंत्री नोनी सशक्तिकरण सहायता योजना, विशेष शिक्षा सहायता योजना समेत 60 प्रकार के योजना के लाभ प्राप्त कर सकत हे ।

(Raipur) ए एप्प के माध्यम ले श्रमिक अपन मजदूर कार्ड ल डाऊनलोड कर सकत हे । श्रमिक अपन संग काम करइया सहकर्मी के संग हुई कोनो घलो दुर्घटना के सूचना विभाग ल श्रमेव जयते एप्प के माध्यम ले दे सकत हे । राज्योत्सव म श्रम विभाग के स्टाल के माध्यम ले अवइया आगंतुक ल विभाग के योजना के लाभ अउ जानकारी प्रदान करे गीन।