![CM Bhupesh Baghel ह 14 दिसंबर के बसना विधानसभा क्षेत्र म 64 करोड़ 13 लाख रुपिया के विकास काम के करही भूमिपूजन अउ लोकार्पण cm bhupesh e1660568761201](https://jayjohar.com/wp-content/uploads/2021/01/cm-bhupesh-e1660568761201.jpg)
CM Bhupesh Baghel ह 14 दिसंबर के बसना विधानसभा क्षेत्र म 64 करोड़ 13 लाख रुपिया के विकास काम के करही भूमिपूजन अउ लोकार्पण
जय जोहार। सीएम भूपेश बघेल (CM Bhupesh Baghel) ह 14 दिसम्बर के बसना विधानसभा क्षेत्र म 64 करोड़ 13 लाख 92 हजार रुपिया के विकास काम के लोकार्पण अउ भूमिपूजन करही । एमा 32 करोड़ 64 लाख 09 हजार रुपिया के 37 ठीन विकास काम के भूमिपूजन अउ 32 करोड़ 59 लाख 83 हजार रुपिया के 23 ठीन काम के लोकार्पण सामिल हे ।
भूमिपूजन म नवा सड़क निर्माण, पुल-पुलिया अउ महाविद्यालय म अतिरिक्त कक्ष निर्माण आदि काम सामिल हे । लोकार्पण काम म स्कूल भवन निर्माण, आहता निर्माण, सांस्कृतिक भवन निर्माण, सी.सी. रोड, सामुदायिक भवन, सामुदायिक भवन निर्माण आदि सामिल हे ।
सीएम भूपेश बघेल (CM Bhupesh Baghel) ह के काली 13 दिसम्बर के बसना विधानसभा क्षेत्र के ग्राम गोपालपुर अउ ग्राम पिरदा म भेंट मुलाकात कार्यक्रम प्रस्तावित हे । सीएम ह बसना के ग्राम पिरदा अउ ग्राम गोपालपुर म आम जनता ले भेंट मुलाकात करही अउ राज्य सासन के योजना के क्रियान्वयन के जानकारी लेही । मुख्यमंत्री ह ए मउका म हितग्राही मन ल सामग्री के वितरण घलो करही । सीएम ह बसना रेस्ट हाउस म विश्राम करही । दूसरइया दिन 14 दिसम्बर के जिला अधिकारी मन के समीक्षा बइठक लेही ।
सीएम भूपेश बघेल (CM Bhupesh Baghel) ह 15 दिसम्बर के खल्लारी विधानसभा क्षेत्र म 29 करोड़ 26 लाख 05 हजार रुपिया के विकास काम के लोकार्पण अउ भूमिपूजन करही । एमा 25 करोड़ 04 लाख 84 हजार रुपिया के 41 ठीन विकास काम के भूमिपूजन अउ 4 करोड़ 21 लाख 21 हजार रुपिया के 42 ठीन काम के लोकार्पण सामिल हे ।