CM Bhupesh Baghel ह आज करही बसना विधानसभा क्षेत्र म भेंट-मुलाकात, पढ़व

जय जोहार । सीएम भूपेश बघेल (CM Bhupesh Baghel) ह अपन प्रदेस व्यापी भेंट-मुलाकात अभियान के कड़ी म आज महासमुंद जिला के बसना विधानसभा क्षेत्र म भेंट-मुलाकात करही ।

निर्धारित दउरा कार्यक्रम के अनुसार मुख्यमंत्री ह बिहनिया 11.30 बजे पुलिस ग्राउण्ड हेलीपेड रायपुर ले हेलीकॉप्टर ले बसना विधानसभा क्षेत्र के ग्राम गोपालपुर बर प्रस्थान करही अउ उंहा मंझनिया 12.05 बजे ले भेंट-मुलाकात कार्यक्रम म सामिल होही । मुख्यमंत्री गोपालपुर हेलीपेड ले मंझनिया 1.40 बजे हेलीकॉप्टर ले पिथौरा तहसील के ग्राम पिरदा बर प्रस्थान करही, उंहा मंझनिया 2.35 बजे ले भेंट-मुलाकात कार्यक्रम में ग्रामीण मन ले रूबरू होही ।

सीएम भूपेश बघेल (CM Bhupesh Baghel) ह ग्राम पिरदा ले संझा 4.10 बजे हेलीकॉप्टर ले हाई स्कूल मैदान बसना बर प्रस्थान करही अउ संझा 4.35 बजे बसना म विकास काम के भूमिपूजन अउ लोकार्पण करही। एखर बाद संझा 5 बजे ले विभिन्न प्रतिनिधिमंडल ले भेंट करे के बाद रात 8 बजे रायपुर लहुट आही ।