जय जोहार । भेंट मुलाकात कार्यक्रम के तहत सीएम भूपेश बघेल (CM Bhupesh Baghel ) ह आज बलौदाबाजार जिला के बिलाईगढ़ विधानसभा क्षेत्र के ग्राम सोनाखान म शहीद वीरनारायण सिंह के स्मृति म बनाए गे इको टूरिज्म सर्किट अउ म्यूजियम के सुभारम्भ करीन । सोनाखान के कुर्रूपाठ के घना जंगल म प्रकृति के बीच ए कलाकृति ल आकार दे गेहे। ये प्रदेश म पहला अइसा म्यूज़ियम हे , जिहां ऑडियो- विजुअल सेटअप अउ एक विशेष धातु कॉर्टेन स्टील के माध्यम ले शहीद वीर नारायण सिंह के जीवनी ल प्रदर्शित करे गेहे ।
सन 1857 के स्वतंत्रता संग्राम म ब्रिटिश हुकूमत के खिलाफ मोर्चा खोलइया शहीद वीरनारायण सिंह के गौरव गाथा ल प्रदर्शित करे बर एक ठीन विशेष तरह के कॉर्टेन स्टील के प्रयोग करे गेहे। बताए गे हे कॉर्टेन स्टील अइसे मेटल है, जेमा पहिले ले जंग की एक ठीन परत लगे होत हे । खास बात ये हे कि ये धातु प्रकृति ल हानि नई पहुँचात। कुर्रूपाठ पहाड़ के हरियाली के बीच एखर नयनाभिराम सुंदरता देखत ही बनत हे ।
कॉर्टेन स्टील के बने लंबा अउ सुंदर पैनल्स म शहीद वीर नारायण सिंह के जीवनी उकेरे गेहे , जेखर अवलोकन दिन के उजाला के संग ही रात म घलो देखे जा सकत हे । लाइट के अद्भुत सेटअप एला खास अउ अलग बनात हे । सबो पैनल एक ठीन ऑडियो सेटअप के संग हे जिहां सोनाखान के पराक्रमी शहीद वीर नारायण सिंह के जन्म ले लेके क्रांति अउ बलिदान ल सुने जा सकत हे । ये ऑडियो हिंदी, अंग्रेज़ी अउ छत्तीसगढ़ी भाखा म उपलब्ध हे ।
Other Articles
