CM Bhupesh Baghel ह करीन भटगांव म उप पंजीयक कार्यालय खोले के घोसना

जय जोहार। सीएम भूपेश बघेल (CM Bhupesh Baghel) ह बिलाईगढ़ में विभिन्न समाज अउ सामाजिक संगठन के प्रतिनिधिमण्डल ले भेंट-मुलाकात करीन। ए दउरान मुख्यमंत्री ह भटगांव म उपपंजीयक कार्यालय खोले के घोसना करीन। बिलाईगढ़ म बस सुविधा ल दुरूस्त करे के निर्देस कलेक्टर ल देहे । वोहा ए मउका म एक-एक कर के सबो समाज अउ संगठन के प्रतिनिधि ले सामाजिक गतिविधि के संबंध म जानकारी ले के संग ही ओखर ले सासकीय योजना अउ कार्यक्रम के क्रियान्वयन के संबंध म घलो फीडबैक लीन ।

सीएम भूपेश बघेल (CM Bhupesh Baghel) ह सामाजिक संगठन के प्रतिनिधि मंडल ले भेंट-मुलाकात के दउरान टुण्डा रोड के मरम्मत करे के निर्देस अधिकारी ल देहे । खैरवार समाज के मांग म रंगमंच निर्माण बर 5 लाख रुपिया स्वीकृत करे के निर्देस देहे । खैरावार समाज प्रमुख ह समाज के मनखे मन ल पूर्व में देगे वन भूमि पट्टा ल दुरूस्त करे जाय के बात कहीन। मुख्यमंत्री ह ए संबंध म ग्राम सभा म प्रस्ताव पारित कर सासन ल प्रस्तुत करे के समझाइस दीन ।

वैष्णव समाज के मनखे मन ह सीएम भूपेश बघेल (CM Bhupesh Baghel) ल सारंगढ़ म अवइया 11 अउ 12 फरवरी के आयोजित होवइता महाअधिवेसन म आय के निमंत्रण देहे। मुस्लिम समाज डहार ले कब्रिस्तान के बाउंड्रीवाल निर्माण के मांग म मुख्यमंत्री ह बाउंड्रीवाल निर्माण बर स्टीमेट के अनुरूप रासि दे के बात कहीन । केंवट समाज डहार ले अनुसूचित जाति म सामिल करे के मांग म मुख्यमंत्री ह केन्द्र सरकार ल पत्र लिखे के आवश्वासन देहे।