जय जोहार। छत्तीसगढ़ (chhattisgarh) सासन ह प्रदेस के 8 सिंचाई परियोजना के काम ल कराय बर 22 करोड़ 64 लाख 35 हजार रुपिया स्वीकृत करे हे । ए योजना के काम पूरा होय म 1 हजार 830 हेक्टेयर क्षेत्र म सिंचाई सुविधा के विस्तार होही ।
सूरजपुर जिला के विकासखण्ड-प्रतापपुर के गोंदा उद्वहन योजना के जीर्णोद्धार काम बर 3 करोड़ 71 लाख 67 हजार रुपिया स्वीकृत करे गेहे । ए योजना के पूरा होय ले 303 हेक्टेयर क्षेत्र म सिंचाई सुविधा मिल सकही । विकासखण्ड-प्रतापपुर के रेवटी एनीकट निर्माण काम बर 2 करोड़ 59 लाख 41 हजार रुपिया स्वीकृत करे गेहे। ए योजना के पूरा होय ले 80 हेक्टेयर क्षेत्र म सिंचाई सुविधा मिल सकही।
विकासखण्ड-प्रतापपुर के दरहोरा एनीकट निर्माण काम बर 3 करोड़ 2 लाख 44 हजार रुपिया स्वीकृत करे गेहे। ए योजना के पूरा होय ले 95 हेक्टेयर क्षेत्र म सिंचाई सुविधा मिल सकही। विकासखण्ड-भैयाथान की चंदरपुर जलासय के जीर्णोद्धार काम बर 1 करोड़ 37 लाख 53 हजार रुपिया स्वीकृत करे गेहे। ए योजना के पूरा होय ले 214 हेक्टेयर क्षेत्र म सिंचाई सुविधा मिल सकही। सरगुजा जिला के विकासखण्ड-सीतापुर के डोमनीनाला व्यपवर्तन म पक्का चैनल, 4 नवीन स्ट्रक्चर अउ मुख्य नहर म मिट्टी काम बर 3 करोड़ 7 लाख 26 हजार रुपिया स्वीकृत करे गेहे।
विकासखण्ड-लुण्ड्रा के गुजरवार व्यपवर्तन योजना के शीर्ष काम के जीर्णोद्धार अउ मुख्य नहर म पक्का चैनल के निर्माण काम बर 3 करोड़ 42 लाख 66 हजार रुपिया स्वीकृत करे गेहे। सरगुजा जिला के विकासखण्ड-बतौली के सलियाडीह जलासय के नहर म मिट्टी काम, पक्का सरंचना अउ पक्का चैनल निर्माण काम बर 2 करोड़ 63 लाख 83 हजार रुपिया स्वीकृत करे गेहे। विकासखण्ड-बतौली के सेदम व्यपवर्तन योजना के नहर म पक्का चैनल निर्माण काम बर 2 करोड़ 79 लाख 55 हजार रुपिया स्वीकृत करे गेहे।
